Bəhlul Mustafazadə: “Fransa ilə oyunda meydanın hər qarışı uğrunda döyüşəcəyik” 🇦🇿⚽🇫🇷

90plus.az xəbər verir ki, DÇ-2026-nın seçmə mərhələsində Azərbaycan millisi sabah dünya futbolunun ən güclü komandalarından biri – Fransa ilə qarşılaşacaq. Oyun öncəsi keçirilən mətbuat konfransında yığmamızın müdafiəçisi Bəhlul Mustafazadə jurnalistlərin suallarını cavablandırıb və komandanın əhval-ruhiyyəsindən danışıb.

Mustafazadənin sözlərinə görə, millimiz sabahkı matça tam hazırdır:

“Fransa haqqında çox danışmağa ehtiyac yoxdur – hamı onların səviyyəsini bilir. Bizim üçün əsas məsələ öz oyunumuzdur, necə reaksiya verəcəyimizdir. Hazırlıqlarımızı yekunlaşdırmışıq və sabah meydanın hər qarışı uğrunda mübarizə aparacağıq.”

Futbolçu həmçinin komandanın psixoloji durumunun da yaxşı olduğunu vurğulayıb:

“Son günlər komanda daxilində həm taktiki, həm də psixoloji hazırlıq üzərində işləmişik. Hamımız eyni məqsədlə birləşmişik. Oyun haqda komanda yoldaşlarımızla çox danışdıq və hər kəs oyuna tam hazırdır. Sabah meydanda əlimizdən gələni edəcəyik.”