Çempionlar Liqasının 1/16 final mərhələsinin ilk oyununda Almaniya nəhəngi Dortmund və İngiltərə təmsilçisi "Çelsi" üz-üzə gəlib. 90plus.az xəbər verir ki, “Siqnal İduna Park”da keçirilən qarşılaşmada Dortmund komandası 1:0 hesabı ilə qalib gələrək cavab oyununa üstün yollanır. Matçın ilk hissəsi qolsuz başa çatsa da, ikinci hissədə təsirini artıran dortmundlular 63-cü dəqiqədə Adeyemi ilə qol vurmağı bacarıb. Qalan dəqiqələrdə hesabı qoruyub saxlaya bilən Almaniya təmsilçisi meydandan qələbə ilə ayrılıb. Qeyd edək ki, cavab matçı çərşənbə axşamı martın 7-də oynanılacaq oynanılacaq.