“Əl-Nəsr”in braziliyalı futbolçusu Kathellen Sousa müsəlman oldu.
90plus.az xəbər verir ki, Səudiyyə Ərəbistanı təmsilçisi “Əl-Nəsr”in qadın futbol komandasında çıxış edən braziliyalı futbolçu Kathellen Sousa İslam dinini qəbul edib.
“Əl-Nəsr” Qadın Futbol Komandası bununla bağlı rəsmi sosial media hesabında paylaşım edib. Paylaşımda bildirilib:
“Kathellen Sousanın İslamı qəbul etdiyi bu xüsusi anı paylaşır və qəlbinin huzur və rahatlıqla dolu olmasını arzulayırıq.”
Klubun bazasında təşkil olunan mərasimdə yeni dinini komanda yoldaşları ilə birlikdə qeyd edən Sousa da açıqlama verib. O bildirib:
“Burada sadəcə doğru yolu tapmağa və ola biləcəyim ən yaxşı insan olmağa çalışıram.”
Kathellen Sousa uzun müddətdir “Əl-Nəsr”in qadın komandasında çıxış edir və komandanın əsas heyət üzvlərindən biridir. Bu hadisə klub azarkeşləri tərəfindən böyük dəstək və müsbət reaksiyalarla qarşılanıb.
