Britaniya səfiri “Qarabağ”a azarkeşlik edəcək.
90plus.az xəbər verir ki, Böyük Britaniyanın Azərbaycandakı səfiri Ferqus Auld bu gün UEFA Çempionlar Liqasının 4-cü turunda keçiriləcək “Qarabağ” – “Çelsi” qarşılaşmasını stadiondan izləyəcək və Ağdam klubunu dəstəkləyəcək.
Diplomat sosial şəbəkədə paylaşım edərək oyundan böyük həyəcan gözlədiyini bildirib. O qeyd edib ki, İngiltərə təmsilçisi ilə qarşılaşmaya baxsa da, səfir kimi bu axşam meydan sahiblərinə azarkeşlik edəcək. Ferqus Auld əlavə edib ki, “Mançester Yunayted” azarkeşi olmasına baxmayaraq, bu dəfə seçim “Qarabağ”dan yana olacaq.
Qeyd: Matç bu gün Tofiq Bəhramov adına Respublika Stadionunda baş tutacaq və saat 21:45-də start götürəcək.
