“Qarabağ”ın potensial rəqibləri bəlli oldu – püşkatma bu gün saat 14:00-da!

90plus.az xəbər verir ki, UEFA Çempionlar Liqasının III təsnifat mərhələsinin püşkü bu gün atılacaq. İsveçrənin Nyon şəhərində keçiriləcək mərasim saat 14:00-da start götürəcək.

Azərbaycan çempionu “Qarabağ” II təsnifat mərhələsində İrlandiyanın “Şelburn” klubu ilə qarşılaşacaq. Ağdam təmsilçisi bu səddi adlayarsa, növbəti raundda bu cütlərdən birinin qalibi ilə üz-üzə gələcək:

• “Riyeka” (Xorvatiya) – “Ludoqorets” (Bolqarıstan)
• “Hamrun Spartans” (Malta) – “Dinamo” Kiyev (Ukrayna)
• “Şkendiya” (Şimali Makedoniya) – FCSB (Rumıniya)

Qeyd: "Qarabağ” – “Şelburn” arasında il oyun 23 iyul saat 22:45-də səfərdə, cavab matçı isə iyulun 30-da saat 20:00-da Tofiq Bəhramov adına Respublika Stadionunda keçiriləcək.