Paris-2024 Yay Olimpiadasında gümüş medal qazanmış boksçumuz Alfonso Dominges hava limanında qarşılanma zamanı təəssüratlarını bölüşüb.
90plus.az xəbər verir ki, boksçumuz dəstəyə görə Azərbaycan xalqına təşəkkür edib:
"Sizin dəstəyiniz sayəsində bura kimi gəldim. Azərbaycan Bayrağını təmsil etmək gözəl duyğudur. Bu ölkə mənə çox inandı və bunun qarşılığında medal qazandım. Hər birinizə minnətdaram".
Qeyd: Paris Yay Olimpiadasında 15 idman növü üzrə 48 idmançı ilə təmsil olunan Azərbaycan 7 medal qazanıb: 2 qızıl, 2 gümüş və 3 bürünc. Ölkəmiz medal sıralamasında Xorvatiya ilə birlikdə 30-31-ci yerləri bölüşüb.
