Əfsanəvi italiyalı qapıçı Canluici Buffon "Yuventus"la 2003, 2015 və 2017-ci illərdə Çempionlar Liqasının finalındakı məğlubiyyətləri haqda danışıb.
90plus.az xəbər verir ki, 47 yaşlı sabiq futbol ulduzu o finallarda məğlubiyyətə layiq olduqlarını etiraf edib:
"3 dəfə "Yuventus" ilə Çempionlar Liqasının finalında uduzmuşam. Heç birində qələbəyə layiq deyildik. "Real Madrid" ilə həlledici matçda məğlubiyyətimiz ədalətli nəticə idi, "Barselona"ya qarşı da çoxlu təhlükəli vəziyyətlər yarada bilmədik.
"Yuventus" azarkeşləri üçün məyusedicidir, amma qəbul etmək lazımdır ki, həmin finallarda rəqiblər bizdən üstün idilər".
Qeyd: Bütün zamanların ən yaxşı qapıçılarından olan Buffon heç vaxt Çempionlar Liqası kubokunu qaldıra bilməyib.
📰: Tutto Mercato
