İngiltərə Premyer Liqasının növbəti turunda "Çelsi" "Fulhem"i evdə 2:0 hesabı ilə məğlub edərək əhəmiyyətli 3 xal qazandı.

90plus.az xəbər verir ki, Cənub London derbisi adlandırılan qarşılaşma "Çelsi"nin üstünlüyü ilə keçdi. 64 milyon avroya transfer edilən Joao Pedro 45+9-cu dəqiqədə vurduğu qolla komandasını önə keçirdi. Bu, braziliyalı futbolçunun yeni komandası ilə keçirdiyi 6-cı rəsmi oyunda 5-ci qolu oldu.

56-cı dəqiqədə Enso Fernandes penaltı zərbəsi ilə fərqi iki topa çatdırdı və "Çelsi" oyunun taleyini erkən həll etmiş oldu.

Bu qələbə ilə "Çelsi" xallarını 7-yə yüksəltdi. "Fulhem" isə 2 xalda qaldı.