"Çelsi"nin oyunçusu Mixail Mudrik gələcək karyerası ilə bağlı gözlənilməz addım atıb.
90plus.az xəbər verir ki, ukraynalı cinah oyunçusu futboldan uzaqlaşıb yüngül atletika sahəsinə yönəlmək fikrindədir. Bu barədə "Marca" nəşri məlumat yayıb.
Mudrik artıq vətənində sabiq atletlərlə birlikdə məşqlərə start verib. 24 yaşlı futbolçunun əsas məqsədi 2028-ci ildə təşkil olunacaq Olimpiya Oyunlarında Ukraynanı təmsil etməkdir.
Xatırlatma: "Çelsi" onu 2023-cü ilin yanvarında "Şaxtyor" klubundan 70 milyon avroya heyətinə qatmışdı. Qeyd edək ki, ötən il Mudrikin verdiyi dopinq testinin nəticəsi müsbət çıxıb və ona 4 illik futboldan uzaqlaşdırma cəzası verilməsi ehtimal olunur.
