“Araz-Naxçıvan” Çempionlar Liqasına möhtəşəm darmadağınla start verdi.

90plus.az xəbər verir ki, futzal üzrə UEFA Çempionlar Liqasının ilkin mərhələsində çıxış edən “Araz-Naxçıvan” ilk oyununu böyükhesablı qələbə ilə başa vurub.

Azərbaycan təmsilçisi Avstriyanın Linz şəhərində keçirilən görüşdə Şimali İrlandiya klubu “Sparta Belfast”la üz-üzə gəlib və rəqibini 9:1 hesabı ilə darmadağın edib.

Qollar:

• Alleks Rezende — 2:35, 31:03
• Ülvi Əliyev — 3:53, 33:21
• Karlos Bertuola — 10:30, 18:34, 30:10
• Aleks Teyxeyra — 11:10
• Jean Perruzo — 37:04
• Con Gibson — 21:55 (“Sparta Belfast”)

Bütün oyunların Avstriyada keçiriləcəyi bu qrupda yalnız qalib olan komanda əsas mərhələyə yüksələcək.

“Araz-Naxçıvan” sabah Şotlandiyanın “PYF Saltires” klubu ilə, avqustun 30-da isə meydan sahibi “Ljuti Krajişniçi” ilə qarşılaşacaq.