"Benfika" Çempionlar Liqasında ardıcıl 2-ci qələbəsini qazandı.
90plus.az xəbər verir ki, Çempionlar Liqası, Liqa mərhələsinin 6-cı turunda “Benfika” Çempionlar Liqasında ardıcıl ikinci qələbəsini qazanaraq pley-off mərhələsinə vəsiqə ümidlərini xeyli artırıb. Joze Mourinyo rəhbərliyindəki komanda liqa mərhələsinə ardıcıl dörd məğlubiyyətlə başlasa da, “Ayaks” üzərindəki qələbədən sonra bu dəfə İtaliya çempionu “Napoli”ni məğlub etməyi bacarıb:
Benfika 2-0 Napoli
Rios 20'
Barreiro 49'
Qollar:
https://t.me/doxsanplus/112168
https://t.me/doxsanplus/112177
Bu nəticə ilə 36 iştirakçı arasında “Napoli” 7 xalla 23-cü pillədə qərarlaşıb. İkiqat Çempionlar Liqası qalibi “Benfika” isə 6 xalla onların iki pillə aşağısında – 25-ci yerdədir.
Liqa mərhələsini 9–24-cü yerlər arasında tamamlayan komandalar iki oyundan ibarət pley-off mərhələsində iştirak edəcək. Həm “Napoli”, həm də “Benfika” bu raunda düşmək üçün növbəti matçlarda daha çox xal toplamalıdır.
“Napoli” 20 yanvarda səfərdə “Kopenhagen”lə, 28 yanvarda isə evdə “Çelsi” ilə qarşılaşacaq. “Benfika” isə 21 yanvarda “Yuventus”un qonağı olacaq və bir həftə sonra “Real Madrid”i qəbul edəcək.
