"Brügge”dən sensasiyalı geri dönüş – “Atletiko” səfərdə qələbəni əldən verdi.
90plus.az xəbər verir ki, UEFA Çempionlar Liqasının pley-off mərhələsinin ilk oyununda Belçika təmsilçisi "Brügge" doğma meydanda İspaniya nəhəngi "Atletiko Madrid" ilə 3:3 hesablı heç-heçə edib.
Olduqca dramatik keçən qarşılaşma bol qollar və yüksək temp ilə yadda qalıb.
Qollar və dönüş
Hesabı 8-ci dəqiqədə penalti zərbəsindən Xulian Alvares açıb. İlk hissənin sonlarına doğru Ademola Lukman (45+4) fərqlənərək “Atletiko”nun üstünlüyünü möhkəmləndirib.
Lakin fasilədən sonra meydanda tam fərqli “Brügge” izlənilib. Rafael Onyedika (51) və Nikolo Tresoldi (61) ardıcıl qollarla hesabı bərabərləşdiriblər.
79-cu dəqiqədə Xorxe Ordonezin avtoqolu madridliləri yenidən önə çıxarsa da, qarşılaşmanın son saniyələrində Kristos Tzolis (90) səhnəyə çıxaraq Belçika klubuna vacib heç-heçə qazandırıb.
Beləliklə, “Brügge” sensasiyalı geri dönüş edərək cavab oyunu öncəsi şanslarını qoruyub.
Lukmandan əla start
Buna baxmayaraq, görüş “Atletiko”nun yeni transferi Ademola Lukman üçün uğurlu alınıb. Nigeriyalı hücumçu Madrid klubunda əla start götürüb.
Lukman hazırda “Atletiko” karyerasında 5 oyunda 3 qol və 2 məhsuldar ötürmə ilə diqqət çəkir və hücum xəttinin əsas fiqurlarından birinə çevrilməkdədir.
Cavab qarşılaşması isə artıq İspaniyada baş tutacaq və cütün taleyinə məhz həmin oyunda aydınlıq gələcək:
Brügge 3 - 3 Atletiko Madrid
J. Alvares 8’ (pen)
A. Lukman 45+4'
R. Onyedika 51’
N. Tresoldi 61’
J. Ordonez 79’ (ö.q.)
C. Tzolis 90’
Qollar:
https://t.me/doxsanplus/114581
https://t.me/doxsanplus/114584
https://t.me/doxsanplus/114587
https://t.me/doxsanplus/114591
