Çempionlar Liqasında pley-off mərhələsinə yekun vuruldu.
90plus.az xəbər verir ki, UEFA Çempionlar Liqasının pley-off mərhələsinin cavab oyunları başa çatıb. Bir sıra dramatik qarşılaşmalardan sonra Liqa mərhələsinə yüksələn komandalar bəlli olub.
“Brügge” – “Reyncers” 6:0
Belçika təmsilçisi doğma meydanda əzici üstünlüklə qələbə qazanaraq mərhələni 9:1 ümumi hesabla adlayıb.
“Kopenhagen” – “Bazel” 2:0
Danimarka klubu bu matçda da inamlı təsir bağışlayaraq iki oyunun cəmində 3:1 hesabı ilə Liqa mərhələsinə yüksəlib.
“Benfika” – “Fənərbağça” 1:0
Portuqaliya təmsilçisinə qələbəni 35-ci dəqiqədə Kerem Aktürkoğlunun vurduğu qol gətirib. Nəticədə “Benfika” Çempionlar Liqasına vəsiqə qazanıb, “Fənərbağça” isə yoluna Avropa Liqasında davam edəcək.
Qol: Kerem Aktürkoğlu, 35 dəq.
Ümumi hesab: 1:0
“Qarabağ” – “Ferentsvaroş” 2:3
Ümumi hesab: 5:4
Ağdam klubu cavab oyununda məğlub olsa da, iki oyunun nəticəsinə görə 5:4 hesablı ümumi qələbə ilə tarixində ikinci dəfə Çempionlar Liqasının əsas mərhələsinə vəsiqə qazanıb.
Qollar:
- Josep, 13 dəq.
- Andrade, 25 dəq.
- Zubir, 45 dəq.
- Varqa, 54 dəq. (pen.)
- Tot, 80 dəq.
Beləliklə, “Qarabağ”, “Benfika”, “Brügge” və “Kopenhagen” Çempionlar Liqasının Liqa mərhələsinə yüksəlib. “Fənərbağça” isə Avropa Liqasının qrupunda mübarizə aparacaq.
Çempionlar Liqasının Liqa mərhələsinin püşkü avqustun 28-də keçiriləcək.
Avropa Liqasının püşkü isə avqustun 29-da baş tutacaq.
