“Liverpul” ən yaxşı günlərinə qayıdıb kimi göründü və “Real Madrid” üzərində inanılmaz dominant oyun sərgiləyərək Çempionlar Liqasında “Enfild”də vacib qələbə qazandı.

90plus.az xəbər verir ki, Arne Slotun Premyer Liqa çempionu olan komandası şənbə günü “Aston Villa”ya qarşı qələbə ilə son 7 oyunda 6 məğlubiyyətlik seriyanı bitirmişdi və o yüksəliş bu dəfə “Real”a qarşı da davam etdi. 

Hətta hesabdan da aydın görünür ki, “Liverpul”un qələbəsi daha inandırıcı idi. Aleksis Mak Allister ikinci hissədə hesabı açdı. Keçmiş “Liverpul” müdafiəçisi Trent Aleksander-Arnold isə yeni komandasının heyətində ehtiyatdan oyuna baxırdı, meydanda olan “Real” isə tamamilə ikinci planda qalırdı.

“Real”ın qapıçısı Tibo Kurtua möhtəşəm qurtarışları ilə “Liverpul”u uzun müddət saxladı. Dominik Soboslayın dörd zərbəsini, Vircil van Deykin baş zərbəsini isə inanılmaz reflekslə qaytardı.

Lakin “Liverpul” nəhayət üstünlüyünün bəhrəsini gördü. 61-ci dəqiqədə Soboslayın cərimə zərbəsindən sonra Mak Allister cərimə meydançasına daxil olub başla topu qapıya göndərdi və hesab açıldı.

Aleksander-Arnold son dəqiqələrdə meydana daxil oldu, onu bir vaxtlar sevən “Liverpul” azarkeşləri isə bu dəfə onu fitə basdılar. Lakin o, oyuna təsir edə bilmədi və Cud Bellingem ilə Kilian Mbappe də effekt vermədi. Beləliklə, “Real” Slotun komandasını dayandıra bilmədi və “Liverpul” vacib üç xal qazandı:

Liverpul 1-0 Real Madrid
Alister 60'

Qol: https://t.me/doxsanplus/110178