“Qarabağ”ın Çempionlar Liqasındakı rəqibi bəlli oldu.

90plus.az xəbər verir ki, bu gün UEFA Çempionlar Liqasının 2-ci təsnifat mərhələsinin püşkatma mərasimi keçirilib. İsveçrənin Nyon şəhərində təşkil olunan tədbirdə Azərbaycan çempionu “Qarabağ”ın da rəqibi müəyyənləşib.

“Səpələnmişlər” səbətində yer alan Ağdam klubu İrlandiya təmsilçisi “Şelburn” ilə Şimali İrlandiyanın “Linfild” klubu arasında baş tutacaq 1-ci mərhələnin cütünün qalibi ilə qarşılaşacaq. Qurban Qurbanovun komandası ilk oyunu səfərdə keçirəcək.

İki oyundan ibarət bu mərhələnin qarşılaşmaları 22-23 və 29-30 iyul tarixlərində baş tutacaq.