“Real Madrid” “Santyaqo Bernabeu”da “Monako”nu darmadağın etdi.
90plus.az xəbər verir ki, UEFA Çempionlar Liqasının 2024/25 mövsümündə Liqa mərhələsinin 7-ci turu çərçivəsində “Real Madrid” doğma “Santyaqo Bernabeu” stadionunda “Monako”nu 6:1 hesabı ilə məğlub edib. Madrid təmsilçisi oyunun gedişində tam üstünlüyünü nümayiş etdirərək inamlı qələbə qazanıb.
Matça sürətli başlayan “Real Madrid” artıq 5-ci dəqiqədə Kilian Mbappenin qolu ilə hesabı açıb. Fransalı ulduz 26-cı dəqiqədə yenidən fərqlənərək dublunu rəsmiləşdirib. İlk hissədə təşəbbüs tam şəkildə meydan sahiblərinin tərəfində olub.
İkinci hissədə də hücumlarını davam etdirən madridlilər fərqi daha da artırıblar. 51-ci dəqiqədə Franko Mastantuono, 55-ci dəqiqədə isə Tilo Kerherin öz qapısına vurduğu qol oyunun taleyini erkən həll edib. Vinisius Junior 63-cü dəqiqədə fərqlənməklə yanaşı, matç ərzində bir neçə məhsuldar ötürməsi ilə də hücum xəttində aktivliyi ilə seçilib. Sonradan oyuna daxil olan futbolçular da hesabda pay sahibi olublar – 72-ci dəqiqədə J. Teze, 80-ci dəqiqədə isə Cud Bellingem adını tabloya yazdırıb:
Real Madrid 6 - 1 Monako
K. Mbappe 5’ 26’
F. Mastantuono 51’
T. Kehrer 55’ (ö.q.)
V. Junior 63’
J. Teze 72’
J. Bellingem 80’
Qollar:
https://t.me/doxsanplus/113546
https://t.me/doxsanplus/113548
https://t.me/doxsanplus/113555
Bu nəticə ilə “Real Madrid” Liqa mərhələsində iddialı mövqeyini möhkəmləndirib və pley-off mərhələsi öncəsi əsas favoritlərdən biri olduğunu bir daha sübut edib.
