Avropa futbolunun ən nüfuzlu klub turniri olan UEFA Çempionlar Liqasındə 2025/26 mövsümünün son 16 mərhələsinin püşkü atılıb.
90plus.az xəbər verir ki, mərasim İsveçrənin Nyon şəhərində, UEFA-nın baş qərargahında keçirilib. Püşk zamanı təkcə son 16 deyil, həm də növbəti mərhələlərin mümkün qarşılaşmaları müəyyənləşib.
Turnirin təqvimi
Son 16 mərhələsinin ilk oyunları 10-11 mart, cavab görüşləri isə 17-18 mart tarixlərində keçiriləcək.
Növbəti mərhələlərin təqvimi:
“Qalatasaray” “Liverpul”la üz-üzə
“Yuventus”u mübarizədən kənarlaşdıraraq son 16-ya yüksələn “Qalatasaray” bu mərhələdə İngiltərə təmsilçisi “Liverpul”la qarşılaşacaq. İstanbul klubu liqa mərhələsində doğma meydanda rəqibini Viktor Osimhenin qolu ilə məğlub etməyi bacarmışdı.
Erkən final: “Real Madrid” – “Mançester Siti”
Son 16 mərhələsinin ən diqqətçəkən cütlüyü isə “Real Madrid”lə “Mançester Siti” arasında olacaq. Bu iki nəhəng klub son illərdə ardıcıl olaraq pley-off mərhələlərində üz-üzə gəlir. Ötən mövsüm də tərəflər eyni mərhələdə qarşılaşmış və mərhələni keçən tərəf Madrid təmsilçisi olmuşdu.
Son 16 mərhələsinin bütün cütlükləri
-
“Qalatasaray” – “Liverpul”
-
PSJ – “Çelsi”
-
“Real Madrid” – “Mançester Siti”
-
“Atalanta” – “Bayern Münhen”
-
“Nyukasl Yunayted” – “Barselona”
-
“Atletiko Madrid” – “Tottenhem”
-
“Bodo/Qlimt” – “Sportinq”
-
“Bayer Leverkuzen” – “Arsenal”
Mümkün 1/4 final cütlükləri
-
“Qalatasaray” – “Liverpul” / PSJ – “Çelsi”
-
“Real Madrid” – “Mançester Siti” / “Atalanta” – “Bayern Münhen”
-
“Nyukasl Yunayted” – “Barselona” / “Atletiko Madrid” – “Tottenhem”
-
“Bodo/Qlimt” – “Sportinq” / “Bayer Leverkuzen” – “Arsenal”
Beləliklə, Çempionlar Liqasında həlledici mərhələyə start verilir və azarkeşləri bir-birindən gərgin qarşılaşmalar gözləyir.
