“Bodo-Qlimt” “Man Siti”ni məğlub etdi, Rodri 62-ci dəqiqədə qırmızı kart aldı

90plus.az xəbər verir ki, 2025/2026 mövsümünün Çempionlar Liqasının ümumi mərhələsinin 7-ci turunda “Bodo-Qlimt” ilə “Mançester Siti” üz-üzə gəlib. Oyun Norveçin Bodo şəhərindəki “Aspmyura” stadionunda keçirilib. Matçın baş hakimi Sven Yablonski olub.

Görüş 3:1 hesabı ilə ev sahiblərinin xeyrinə başa çatıb. 

Matçın gedişi:

• 22-ci dəqiqədə hücumçu Kasper Hoq hesabı açıb.

• 24-cü dəqiqədə Hoq fərqlənərək dubla imza atıb.

• 58-ci dəqiqədə “Bodo-Qlimt”dən Yens Petter Hoqe nəticəni 3:0 edib.

• 60-cı dəqiqədə qonaqlardan Rayan Şerki fərqi endirib.

Matçda vurulan qollara bu cümləyə klik edərək keçid edə bilərsiniz

62-ci dəqiqədə “Man Siti”nin yarımmüdafiəçisi Rodri ikinci sarı vərəqəsini alaraq meydandan qovulub.

Yeddi turundan sonra “Bodo-Qlimt” 6 xalla 26-cı pillədə qərarlaşıb. “Man Siti” isə 13 xalla dördüncü sıradadır.

Bu mövsümün Çempionlar Liqasının finalı Macarıstanın Budapeşt şəhərindəki “Puškaş Arena” stadionunda 30 may 2026-cı il tarixində keçiriləcək.