Ceymi Vardi 38 yaşında “Kremoneze”ni çiynində daşıdı — “Bolonya”nın seriyasına son verdi.
90plus.az xəbər verir ki, İtaliya A Seriyasında mövsümün sürpriz komandalarından olan “Kremoneze” növbəti vacib qələbəsini əldə edib. Komandanın 38 yaşlı ulduzu Ceymi Vardi “Bolonya” ilə oyunda dubla imza ataraq 3:1 hesablı qələbənin əsas memarı olub.
Bu nəticə ilə:
— “Bolonya”nın 12 oyunluq məğlubiyyətsiz seriyası dayandı
— Vardi həm “Atalanta”, həm də “Yuventus”a qol vuraraq mövsümün ən parlaq veteranlarından birinə çevrildi
— Hazırda “Kremoneze”nin ən məhsuldar futbolçusudur
— Seriya A-nın bombardirlər siyahısında 3-cü yerdə qərarlaşıb
Ceymi Vardi mövsümün gedişində yüksək forması ilə diqqət çəkir. Təcrübəli hücumçu italiyan mətbuatında “zərif şərab kimi yaşlandıqca daha da yaxşılaşan futbolçu” kimi təsvir olunur.
“Kremoneze” 24 xalla turnir cədvəlinin 11-ci pilləsində qərarlaşıb.
