Çində dəhşətli hadisə: “Quansi Pinqo”nun futbolçusu Samuel Asamoa boynunu qırdı 😱🇨🇳
90plus.az xəbər verir ki, Çin II divizionunda baş verən qarşılaşma faciə ilə nəticələnib. “Quansi Pinqo” klubunun toqolu futbolçusu Samuel Asamoa “Çuntsin Tunlyanlun” komandasının oyunçusu Çjan Çjisyunla toqquşub. Zərbənin gücündən Asamoa reklam lövhəsinə çırpılıb və boynu qırılıb.
VİDEO: https://t.me/doxsanplus/108897
Hadisə stadionda şok effekti yaradıb — oyun dərhal dayandırılıb, həkimlər futbolçuya yerindəcə ilkin tibbi yardım göstəriblər.
🩺 Əməliyyat olunduqdan sonra Asamoanın vəziyyəti stabil olsa da, aşağı ətraflarının iflic qalma ehtimalı çox yüksək qiymətləndirilir.
Klub rəhbərliyi və Toqo Futbol Federasiyası futbolçunun vəziyyəti ilə bağlı daimi əlaqədədir və onun sağalması üçün hər cür tibbi dəstəyin göstərildiyi bildirilib.
🙏 Azarkeşlər sosial şəbəkələrdə Samuel Asamoaya dəstək mesajları paylaşaraq onun tezliklə sağalmasını arzulayıblar.
📍 90plus.az — Futbol dünyasının ən son xəbərləri burada.
