Rəsmi: Çempionlar Liqasının iştirak ərizələri təqdim olunub, bir neçə ulduz futbolçu heyətdən kənarda qalıb.
90plus.az xəbər verir ki, UEFA klublar tərəfindən Çempionlar Liqasının liqa mərhələsi üçün təqdim edilən iştirak ərizələrini təsdiqləyib. Siyahılar bəzi tanınmış futbolçuların turnirin startı öncəsi heyətə salınmadığını göstərir.
Ən çox oyunçunu “Çelsi” kənarda qoyub – 9 futbolçu. Heyətdən çıxarılanlar arasında Aksel Disasi, Romeo Lavia, Mixaylo Mudrik, Rahim Sterling, Qabriel Slonina, Fakundo Buonanotte, Coş Açeampong, Tayrik Corc və David Datro Fofana yer alır. Qeyd edilən oyunçular hələ də klubun üzvüdür.
“Atletik” isə transferin FIFA tərəfindən qeydiyyata alınmaması səbəbindən Aymerik Laportu siyahıya sala bilməyib – çünki keçid transfer pəncərəsinin bağlanmasından əvvəl rəsmiləşməyib.
“Tottenhem” də 6 futbolçunu iştirak ərizəsindən çıxarıb: Kota Takai, Radu Draquşin, İv Bissuma, Ceyms Meddison, Deyan Kulusevski və yayda birdəfəlik transfer olunan Matias Tel.
Premyer Liqanın son çempionu “Liverpul” isə gözlənilmədən Federiko Kyezaya yer ayırmayıb.
“Barselona” bütün oyunçularını qeydiyyatdan keçirib, o cümlədən noyabr və ya dekabradək zədədən kənarda qalacaq Mark-Andre ter Ştegen də siyahıya daxil edilib.
“Real Madrid” də bütün futbolçularını qeydiyyatdan keçirib və yeni transfer Franko Mastantuononu ehtiyat siyahıya yazdırıb.
