“Vilyarreal”ın son dəqiqə qolu “Yuventus”un Çempionlar Liqasındakı ilk qələbəsinə mane oldu.
90plus.az xəbər verir ki, bu nəticədən sonra İqor Tudor komandasının soyuqqanlılıq çatışmazlığını tənqid etdi.
Tudorun sözlərinə görə, “Yuventus” Çempionlar Liqasının çərşənbə günü keçirilən “Vilyarreal”la 2:2 hesablı oyununda əsəbi “çaxnaşmaya” qapıldı və iki xal itirdi. Komanda sentyabrın əvvəlində “İnter”lə “Derbi d’Italia”da 4:3 hesablı qələbədən sonra həm A Seriyada, həm də Çempionlar Liqasında ardıcıl dörd oyunu heç-heçə ilə başa vurub.
Avropa arenasında ilk turda “Borussiya Dortmund”la oyunda “Yuventus” iki gecikmə qoluyla 4:4 hesablı heç-heçə qoparmışdı. Amma ikinci turda, “Estadio de la Seramika”da bu dəfə özləri 90-cı dəqiqədə qol buraxaraq üstünlüyü əldən verdilər. Federiko Qatti və Fransisko Konseysau qolları ilə hesabı 2:1 edən “Yuventus”un qələbə ümidlərini Renatu Veiqa başla vurduğu qol ilə puç etdi:
Vilyareal 2-2 Yuventus
Mikaukatze 18'
Qatti 49'
Canceicao 56'
Veiga 90'
“Vilyarreal” matçda 17 zərbə endirdi – bu, onların Çempionlar Liqasında 2011-ci ilin sentyabrında “Napoli”yə qarşı 20 zərbə vurduqları oyundan sonra ən yüksək göstəricisidir.
Tudor isə komandasının oyuna nəzarəti itirməsindən narazılıq etdi:
“Bağışlayın, bu da oyunun bir hissəsidir, amma son dəqiqələrdə buraxdığımız qol bizi çox əsəbiləşdirdi. Belə qolları künc zərbəsindən buraxmaq olmaz. Cərimə meydançasında çox idik. Bir xal qazandıq və yolumuza davam edirik. Ən yaxşı şəkildə hazırlaşdıq, amma çətinliklər də oldu. Çoxlu çaxnaşma və əsəb vardı. Həddən artıq sadə ötürmələri səhv etdik.”
