Coşua Kimmix şəxsi həyatı ilə bağlı qalmaqal yaşadı – milyonluq məhkəmə iddiası ilə üz-üzədir.

90plus.az xəbər verir ki, “Bayern Münhen”in futbolçusu Coşua Kimmix şəxsi həyatı ilə bağlı ciddi qalmaqalla gündəmə gəlib. Xarici mediada yayılan iddialara görə, alman yarımmüdafiəçi bu ilin əvvəlində sevgilisi ilə yollarını ayırıb və ayrılığın ardınca tərəflər arasında böyük hüquqi mübahisə yaranıb.

Məlumatlara əsasən, ayrılıqdan əvvəl Kimmixin sevgilisi lüks avtomobillərin və evin öz adına rəsmiləşdirildiyini düşünüb. Lakin sonradan ortaya çıxıb ki, futbolçu bütün əmlakı ehtiyat tədbiri kimi öz oğlunun adına sənədləşdirib.

Ayrılıqdan sonra qadının həmin mülklər üzərində hüquqi iddia qaldırdığı, lakin əslində onların heç vaxt onun adına olmadığı üzə çıxıb. İddialara görə, bu vəziyyət tərəflər arasında gərginliyi daha da artırıb.

Xarici mənbələrin yazdığına görə, Kimmix artıq həmin əmlaklara nəzarəti bərpa etmək üçün hüquqi prosesə başlayıb. Eyni zamanda, keçmiş sevgilisinin avtomobillərdən birinə – “Lamborghini”yə zərər vurduğu iddia olunur.

Futbolçunun bu hadisələrlə bağlı 1.5 milyon dollar dəyərində kompensasiya tələbi ilə məhkəməyə müraciət etdiyi bildirilir.

Qeyd: Bu iddialar hələlik rəsmi şəkildə təsdiqlənməyib və tərəflərdən heç biri geniş açıqlama verməyib.