“Liverpul”un bugünkü transferi Florian Virtz Enfildə iddialı məqsədlərlə gəldiyini açıq şəkildə bildirib.

90plus.az xəbər verir ki, o, klubun son illərdəki uğurlarına heyranlığını ifadə edib və qarşıdakı mövsümlər üçün hədəflərini açıqlayıb:

“Mən sadəcə bu komandanın futbolçuları üçün, onların o anları yaşaya bilməsi üçün, eləcə də bu insanlar üçün sevinirdim.

Düşünürəm ki, bu tamamilə haqq edilmişdi, çünki onlar möhtəşəm bir mövsüm keçirdilər. Sadəcə dəli bir şey idi — o qədər insanın gəlməsini və stadiondakı atmosferi görmək. Baxmaq çox xoş idi.

Mən bura sadəcə əylənməyə gəlməmişəm. Nəyəsə nail olmaq, azarkeşlərə layiq olduqları sevinc və uğuru vermək istəyirəm.

Əlbəttə ki, bu performansımı davam etdirmək istəyirəm. Və bu, daha çox nailiyyətlərə motivasiya verir.

Hər il hər şeyi qazanmaq istərdim! Əvvəlcə işimizi görməliyik, mən öz işimi görməliyəm. Sonda uğurlu olmaq istəyirik.

Keçən mövsüm onlar Premyer Liqanı qazandılar, mənim əsas hədəfim də bu uğuru yenidən təkrarlamaq və Çempionlar Liqasında daha irəli getməkdir. Mən çox iddialıyam,” – deyə Virtz bildirib.

Florian Virtz “Liverpul”a keçidinin əsas səbəblərindən biri kimi şəxsi inkişafını göstərib. O düşünür ki, Enfilddə oynamaq onun oyununu texniki və fiziki baxımdan növbəti səviyyəyə qaldıracaq:

“Bəli, bu mənim üçün böyük bir amil idi — şəxsi səviyyəmi və fiziki durumumu inkişaf etdirmək istəyirdim. Çünki hər kəs bilir ki, ‘Liverpul’da futbolçular tam bir maşındırlar — çox güclü və fiziki cəhətdən üstün. Amma mən bunu da özüm üçün bir fürsət kimi görürəm ki, bu sahədə daha da yaxşılaşım. Ona görə də düşündüm ki, bu, mənim üçün doğru yerdir,” – deyə Virtz bildirib.

Qeyd: Almaniya millisinin üzvü İngiltərə klubu ilə 5 illik müqavilə imzalayıb.

Həmçinin oxu: https://90plus.az/liverpul-florian-virtsi-rsmn-elan-etdi/xeber/