“Transfermarkt”: Dünyanın ən bahalı müdafiəçiləri açıqlanıb.

90plus.az xəbər verir ki, futbol bazarının nüfuzlu portallarından biri olan “Transfermarkt” hazırda dünyanın ən qiymətli müdafiəçilərinin reytinqini təqdim edib.

Siyahının zirvəsində “Arsenal” və Fransa millisinin oyunçusu Uilyam Saliba yer alır. 24 yaşlı müdafiəçi 90 milyon avro dəyərində qiymətləndirilir.

İkinci pillədə “Barselona”nın 18 yaşlı gənc ulduzu Pau Kubarsi qərarlaşıb. Onun qiyməti 80 milyon avro göstərilib. İlk üçlüyü isə “İnter”in 26 yaşlı müdafiəçisi Alessandro Bastoni tamamlayır; onun qiyməti də 80 milyon avro olaraq qeyd olunub.

ℹ️ Mediada yayılan məlumatlara görə, həm “Real Madrid”, həm də PSJ Salibanın xidmətində maraqlıdır, lakin “Arsenal” hələ ki, gənc ulduzunu satmaq niyyətində deyil.