Elvin Cəfərquliyev qayıtdı, yenidən “Qarabağ”ın sərəncamında!
90plus.az xəbər verir ki, “Qarabağ”ın müdafiəçisi Elvin Cəfərquliyev yenidən əsas komandanın hazırlıq prosesinə qoşulub.
26 yaşlı futbolçu bu gün komanda ilə birlikdə məşqlərə başlayıb. Bununla da onun əsas heyətə qayıdışı rəsmiləşib. Cəfərquliyev artıq Ağdam təmsilçisinin Avstriyada davam edən təlim-məşq toplanışında da iştirak edir və mövsümə hazırlığını komanda ilə birlikdə davam etdirir.
Xatırlatma: Elvin Cəfərquliyev ötən mövsüm Misli Premyer Liqasının 27-ci turunda keçirilən “Şamaxı” – “Qarabağ” matçından sonra baş məşqçi Qurban Qurbanovun qərarı ilə əsas komandadan kənarlaşdırılmışdı. Həmin vaxt müdafiəçi Abbas Hüseynovla birlikdə intizam qaydalarını pozduğu üçün cəzalandırılmışdı.
Qeyd: Klubun Avstriyadakı hazırlıq prosesi isə yeni mövsümün rəsmi oyunlarına hazırlıq çərçivəsində davam edir.
