Dünya Çempionatının Avropa seçmə mərhələsi çərçivəsində keçirilən Norveç – İsrail qarşılaşmasında meydan sahibləri qələbə şousu göstərdi.

90plus.az xəbər verir ki, I qrupunun 6-cı turunda Ullevaal stadionunda baş tutan oyunda Norveç rəqibinə 5:0 hesabı ilə qalib gəlib.

Qarşılaşmada Norveçin qollarını Khalili (avtoqol), Nachmias (avtoqol) və üç dəfə fərqlənən Erlinq Haaland vurub.

Tarixə düşdü

Hesabında 51 milli qol olan 25 yaşlı Haaland bu göstəriciyə yalnız 46 oyunda çataraq milli komandalar tarixində 50 qol həddinə ən tez çatan futbolçu kimi tarixə düşüb.

Əvvəlki rekordçular:

• Harri Keyn (İngiltərə) – 71 oyun

• Neymar (Braziliya) – 74 oyun

• Kilian Mbappe (Fransa) – 90 oyun

• Robert Levandovski (Polşa) – 90 oyun

• Lionel Messi (Argentina) – 107 oyun

• Kriştiano Ronaldo (Portuqaliya) – 114 oyun