Erməni xizəkçidən siyasi təxribat: FIS dərhal cəzalandırdı.
90plus.az xəbər verir ki, İtaliyada keçirilən mötəbər “Tour de Ski” yarışında skandal hadisə yaşanıb. Ermənistan təmsilçisi Mikael Mikaelyan idman etikasına zidd hərəkətə yol verərək beynəlxalq qurumun sanksiyası ilə üzləşib. Belə ki, idmançı yarışın rəsmi sponsorlarından biri olan Azərbaycanın adını formasının üzərində qəsdən gizlədib.
Beynəlxalq Xizək və Snoubord Federasiyası (FIS) məsələyə dərhal reaksiya verərək, bu hərəkətin yolverilməz olduğunu vurğulayıb və Mikaelyanı cəzalandırıb.
Xatırlatma: FIS və Azərbaycan arasında 5 illik genişmiqyaslı sponsorluq müqaviləsi mövcuddur. Erməni idmançı isə hərəkətinə görə izahat verməkdən boyun qaçıraraq, bunun münsiflər heyəti ilə öz arasında qalacağını bildirməklə kifayətlənib.
