Beto iki qol və bir assistlə “Everton”a rahat qələbə qazandırdı.
90plus.az xəbər verir ki, İngiltərə Premyer Liqasının 31-ci turunda Beto iki qol və bir assistlə fərqlənərək “Everton”un doğma meydanda “Çelsi” üzərində 3:0 hesablı rahat qələbə qazanmasına kömək etdi:
Everton 3 - 0 Çelsi
Beto 33’ 62’
Ndiaye 76’
Qollar: https://t.me/doxsanplus/115559
“Everton” bu qələbə ilə Avropa kuboklarına vəsiqə ümidlərini ciddi şəkildə artırdı. Komanda yeni stadionunda ardıcıl ikinci Premyer Liqa qələbəsini qazandı. Betonun dublundan sonra İlman Ndiaye də fərqləndi və onun qolunun assistini də məhz Beto etdi.
“Çelsi” həftəiçi Çempionlar Liqasında PSJ-yə məğlubiyyətdən sonra bu oyunda yüksək tempə uyğunlaşmaqda çətinlik çəkdi. London təmsilçisi daha çox zərbə vursa da (12-yə qarşı 10), oyun ərzində demək olar ki, təhlükəli görünmədi.
Devid Moyesin komandası hazırda Premyer Liqada 7-ci pilləyə yüksəlib. “Everton” 6-cı pillədə olan “Çelsi”dən cəmi 2 xal, 5-ci yerdə olan “Liverpul”dan isə 3 xal geri qalır. Bu mövqe mövsümün sonunda Çempionlar Liqasına vəsiqə üçün kifayət edə bilər.
