Fermin Lopes etiraf edib ki, bir neçə “Barselona” lideri onu “Çelsi”yə keçməkdən daşındırıb. Onların arasında Ter Ştegen, Arauxo, Pedri və Rafinya da olub.
90plus.az bazarı silkələyən bu təklif barədə araşdırma edib:
Transfer pəncərəsinin son həftəsində “Çelsi” Fermin Lopesin keçidi üçün "hücuma keçib". London klubu 46 milyon dollar + bonuslar təklif etsə də, “Barselona” ən azı 105 milyon dollar tələb edib. Kataloniya klubu futbolçu özü israr etsəydi, satışa razı ola bilərdi, amma Fermin heç vaxt tərəddüd etməyib – onun üçün “Barselona”da qalmaq ən böyük prioritet olub.
Fermin Lopez “Çelsi” təklifi barədə: "Mənim prioritetim həmişə “Barselona” olub. Bu klub uşaqlıqdan mənim xəyallarımdan biridir.
Başqa klubların marağı həmişə komplimentdir, amma həqiqət odur ki, mən həmişə “Barselona”da qalmaq və uğur qazanmaq istəyirdim” (Fabrizio Romano).
Komanda yoldaşlarının təsiri
“Mundo Deportivo”ya müsahibəsində akademiya yetirməsi olan Fermin etiraf edib ki, bir neçə futbolçu onun qərarında həlledici rol oynayıb:
“Bəzi oyunçularla söhbətlərim oldu. Bu həftə komanda məni çox dəstəklədi və hamı qalmağımı istədi”, – deyə futbolçu bildirib.
O, xüsusilə kapitan Mark-Andrrəe ter Ştegenin (zədəli olsa da), Ronald Arauxonun, Pedrinin və Rafinyanın adını çəkib. Liderlərin bu dəstəyi Fermin üçün Kataloniyada qalmasının doğru addım olduğunu təsdiqləyib.
Qərarın simvolik dəyəri
“Barselona” üçün maliyyə çətinlikləri fonunda Fermini saxlamaq təkcə böyük məbləğdən imtina etmək deyil, həm də uzunmüddətli gələcəyə sahib yerli futbolçuya inam göstərməkdir. Futbolçu üçün isə bu addım bir mesajdır: o, Premyer Liqadakı yüksək maaş dalınca qaçmaqdansa, həyatının klubu “Barselona”da möhkəmlənməyi üstün tutur.
“Çelsi” isə indi yeni transfer hədəfləri axtarmaq məcburiyyətində qalacaq, “Barselona” isə öz yetirməsinin ürəyini puldan üstün tutmasını bayram edir.
