FİFA futbol dünyasına köklü şəkildə təsir edəcək bir sıra qərarlar qəbul edib. 90plus.az FIFA-nın rəsmi saytına istinadən xəbər verir ki, yanvarın 9-dan etibarən qüvvəyə minəcək yeni tənzimləmə ilə daha şəffaf bir quruluşun qurulması hədəflənir. Belə ki, menecerlər üçün edilən tənzimləmə ilə yeni bir dövr başlayacaq. FİFA-nın Oyunçuların Nümayəndəliyi Qaydası 9 yanvar 2023-cü il tarixindən qüvvəyə minəcək. Əsasnamədə edilən yeni dəyişikliklər ilə daha ədalətli və şəffaf bir quruluşun qurulması hədəflənir. Yeni reqlamentdəki ən mühüm dəyişiklik oyunçuların birdən çox menecerlə təmsil olunmasının qadağan edilməsi olacaq. Bu yolla FİFA maraqlar toqquşmasının qarşısını almağı qarşısına məqsəd qoyub. Prosesin 2023-cü il oktyabrın 1-də başa çatdırılması planlaşdırılır. Reqlament tam qüvvəyə mindikdə, oyunçuları yalnız lisenziyalı oyunçu nümayəndələri təmsil edə biləcəklər. Eyni zamanda, menecerlərin əmək haqqına da limit tətbiq olunacaq. Qeyd edək ki, FİFA-nın 2018-ci ildən icra etdiyi FİFA Oyunçuların Nümayəndəliyi Reqlamenti 2022-ci ilin dekabrında Dohada keçirilən iclasda təsdiqlənib.
