FIDE-nin 2026-cı il üçün ilk reytinq siyahısı: Azərbaycan şahmatçılarının mövqeləri bəlli oldu.

90plus.az xəbər verir ki, Beynəlxalq Şahmat Federasiyası (FIDE) 2026-cı ilin ilk rəsmi reytinq cədvəlini ictimaiyyətə təqdim edib. Siyahıda Azərbaycan şahmatçılarının mövqeləri də diqqət çəkir.

Kişilər arasında ölkəmizi ən yüksək pillədə təmsil edən şahmatçı Şəhriyar Məmmədyarovdur. Təcrübəli qrossmeyster dünya reytinqində 19-cu yerdə qərarlaşıb. Teymur Rəcəbov 35-ci pillədə yer alıb. Rauf Məmmədov siyahıda 76-cı, Eltac Səfərli isə 78-ci mövqedə göstərilib. Gənc qrossmeyster Aydın Süleymanlı ilk “100-lüy”ə düşə bilməyib və 101-ci sırada qərarlaşıb.

Kişilərin reytinq siyahısına Norveç təmsilçisi Maqnus Karlsen başçılıq edir.

Qadın şahmatçılar arasında da Azərbaycan təmsilçiləri reytinqdə yer alıblar. Ülviyyə Fətəliyeva 27-ci, Günay Məmmədzadə 53-cü, Gövhər Beydullayeva 77-ci, Xanım Balacayeva isə 90-cı pillədə qərarlaşıb.

Qadınların dünya reytinqinə isə Çin şahmatçısı Hou İfan liderlik edir.