Argentina və İspaniya arasında Finalissima oyunu Qətərdə keçirilə bilməyəcək.
90plus.az xəbər verir ki, Argentina və İspaniya milli komandaları arasında keçiriləcək Finalissima oyunu Qətərdə olmayacaq. UEFA və CONMEBOL bu həftə görüşərək oyunun keçiriləcəyi şəhər barədə qərar verəcək, nəticənin 48 saat ərzində açıqlanması gözlənilir.
Hazırda oyunun keçirilməsi üçün əsas namizəd London olsa da, Milan və Roma şəhərləri də mümkün alternativlər arasında göstərilir.
Qeyd: Finalissima Avropa Çempionu ilə Kopa Amerika qalibi arasında təşkil olunan qarşılaşmadır.
Məlumat mənbəyi: El Mundo
