Türkiyə Super Liqasında növbəti turun oyunu keçirilib.

90plus.az xəbər verir ki, tur çərçivəsində “Fatih Karagümrük” doğma meydanda “Fənərbağça”nı qəbul edib. Qarşılaşma meydan sahiblərinin 2:0 hesablı qələbəsi ilə başa çatıb.

Matçda hesab 15-ci dəqiqədə Bartuğ Elmazın qolu ilə açılıb. İlk hissənin əlavə vaxtında isə Serjinyo fərqlənərək komandasının üstünlüyünü iki topa çatdırıb və görüşün yekun nəticəsini müəyyənləşdirib.

Beləliklə, “Fatih Karagümrük” bu qələbə ilə vacib 3 xal qazanıb. “Fənərbağça” isə səfərdə gözlənilməz məğlubiyyətlə üzləşib.

Fatih Karagümrük 2 – 0 Fənərbağça

Bartuğ Elmaz 15'

Serjinyo 45+1'