"Fənərbağça" ilə yollarını ayıran Edin Cekonun karyerasını davam etdirəcəyi klub bəlli olub.
90plus.az xəbər verir ki, Bosniya və Herseqovina millisinin hücumçusu İtaliyada çıxış edəcək.
Təcrübəli forvard A Seriyası təmsilçisi "Fiorentina" ilə anlaşmaya gəlib. Klubun rəsmi saytında yayılan məlumata əsasən, 39 yaşlı futbolçu ilə 1+1 illik müqavilə imzalanıb.
Xatırlatma: Edin Ceko ötən mövsüm "Fənərbağça"nın heyətində 53 rəsmi matçda iştirak edib, bu oyunlarda 21 qol vurub və 8 məhsuldar ötürmə ilə yadda qalıb.
