"Fənərbağça" klubunun heyətində ciddi itki baş verib.
90plus.az xəbər verir ki, Super Liqa nəhəngi müdafiəçisi Nelson Semedo sıradan çıxıb. Bu barədə klubun mətbuat xidməti açıqlama yayıb.
Semedo ölkə çempionatının 24-cü turunda Antalyasporla səfər matçında (2:2) dizindən zədə alıb. Portuqaliyalı sağ cinah müdafiəçisi təxminən 4 həftə meydanlardan uzaq qalacaq.
“Fənərbağça” Nelson Semedonu mövsümün əvvəlində "Vulverhempton" klubundan transfer edib. 32 yaşlı futbolçu İstanbul təmsilçisinin heyətində 32 rəsmi oyunda 1 qol və 2 məhsuldar ötürmə ilə yadda qalıb.
