“Formula 1”də yeni mövsümün startına sayılı günlər qalıb. Martın 8-də Avstraliyada başlayacaq yeni mövsümdə 11 komanda və 22 pilot çempionluq uğrunda mübarizə aparacaq.

90lus.az xəbər verir ki, 24 mərhələdən ibarət olan mövsüm ilin sonunda Abu-Dabidə başa çatacaq.

Motor idmanlarının ən nüfuzlu yarış seriyasında pilotların qazandıqları yüksək məbləğli maaşlar da yenidən gündəmə gəlib. Siyahının zirvəsində “Red Bull”un niderlandlı pilotu Maks Verstappen və “Ferrari”nin britaniyalı sürücüsü Lyuis Hamilton qərarlaşıb.

Məlumata görə, Maks Verstappen illik 70 milyon dollar gəlirlə siyahıya liderlik edir. Onu 60 milyon dollar maaş alan Lyuis Hamilton izləyir.

Formula 1 pilotlarının illik maaşları:

1. Maks Verstappen – “Red Bull” – 70 milyon dollar

2. Lyuis Hamilton – “Ferrari” – 60 milyon dollar

3. Şarl Lekler – “Ferrari” – 34 milyon dollar

4. Corc Rassel – “Mercedes” – 34 milyon dollar

5. Lando Norris – “McLaren” – 30 milyon dollar

6. Fernando Alonso – “Aston Martin” – 20 milyon dollar

7. Karlos Sayns – “Williams” – 13 milyon dollar

8. Oskar Piastri – “McLaren” – 12 milyon dollar

9. Pyer Qasli – “Alpine” – 12 milyon dollar

10. Aleks Albon – “Williams” – 12 milyon dollar

11. Lans Stroll – “Aston Martin” – 12 milyon dollar

12. Serxio Peres – “Cadillac” – 8 milyon dollar

13. Niko Hülkenberq – “Audi” – 7 milyon dollar

14. Esteban Okon – “Haas” – 7 milyon dollar

15. İsak Həcər – “Red Bull” – 5 milyon dollar

16. Valtteri Bottas – “Cadillac” – 5 milyon dollar

17. Qabriel Bortoleto – “Audi” – 2 milyon dollar

18. Kimi Antonelli – “Mercedes” – 2 milyon dollar

19. Oliver Berman – “Haas” – 1 milyon dollar

20. Liam Louson – “Racing Bulls” – 1 milyon dollar

21. Franko Kolapinto – “Alpine” – 500 min dollar

22. Arvin Lindblad – “Racing Bulls” – 500 min dollar

Yeni mövsümdə komandalar və pilotlar çempionluq uğrunda gərgin mübarizə aparacaq. Avstraliyada start götürəcək mövsümün böyük maraq doğuracağı gözlənilir.