Azərbaycan millisinin Fransaya qarşı oyunu öncəsi məşq və mətbuat konfranslarının vaxtı açıqlanıb.

90plus.az xəbər verir ki, futbol üzrə Azərbaycan millisinin DÇ-2026-nın seçmə mərhələsində səfərdə Fransa ilə keçirəcəyi oyun öncəsi mətbuat və azarkeşlər üçün açıq məşqin detalları bəlli olub.

Ayxan Abbasovun komandası oktyabrın 9-da, Bakı vaxtı ilə saat 22:00-da açıq məşqə çıxacaq. Hazırlığın ilk 15 dəqiqəsi jurnalistlərin iştirakı üçün açıq olacaq.

Baş məşqçi Ayxan Abbasov məşqdən əvvəl, saat 21:30-da mətbuat konfransı keçirəcək.

Eyni gün Fransa millisinin baş məşqçisi Didye Deşam da jurnalistlərin qarşısına çıxacaq — onun mətbuat konfransı saat 14:15-də, komandasının açıq məşqi isə saat 20:00-da başlayacaq.

Xatırlatma: Fransa – Azərbaycan oyunu oktyabrın 10-da, Bakı vaxtı ilə saat 22:45-də “Park de Prens” stadionunda baş tutacaq.