Nizam-intizam qaydalarını pozduğu üçün "Marsel"in əsas heyətindən uzaqlaşdırılan Adrien Rabyo karyerasını yenidən İtaliyada davam etdirə bilər.
90plus.az xəbər verir ki, fransalı yarımmüdafiəçiyə "Milan" maraq göstərir. Bu barədə "Fichajes" nəşri xəbər yayıb.
"Qırmızı-qaralar"ın çalışdırıcısı Massimiliano Alleqri Rabyonu yenidən komandasında görmək niyyətindədir.
Xatırlatma: Rabyo daha əvvəl Alleqrinin rəhbərliyi altında "Yuventus"da çıxış edib. "Milan" 30 yaşlı yarımmüdafiəçi üçün Fransa təmsilçisi ilə danışıqlara başlamağa yaxındır.
Qeyd: Rabyo Fransa Liqasının ilk turunda "Renn"lə oyundan (0:1) sonra geyim otağında komanda yoldaşı Conatan Rou ilə mübahisə edib. Klub rəhbərliyi bu insidentdən sonra hər iki futbolçunu transfer siyahısına salıb. Rou isə bir neçə gün əvvəl 17 milyon avro müqabilində "Bolonya" klubuna transfer olunub.
