Fransalı futbol şərhçisi Dominik Sevrak PSJ-nin hücumçusu Usman Dembelenin “Paris FC” ilə oyundakı çıxışı barədə fikirlərini bölüşüb. Daha əvvəl Pyer Menes kimi, Sevrak da futbolçunun performansını müsbət qiymətləndirib.
90plus.az xəbər verir ki, məsləhətçi bildirib ki, Dembele mövsümün ən yaxşı oyununu məhz bu qarşılaşmada keçirib:
“Bazar günü axşam Dembelenin bu mövsümdəki ən yaxşı oyununu gördük. Açığı, bunu demək çətin deyildi, çünki digər oyunlarının əksəriyyəti uğursuz alınmışdı.”
Dominik Sevrak əlavə edib ki, fransalı futbolçu yaxın zamanda əvvəlki formasına qayıdacaq:
“Yanvar ayının sonuna qədər Dembele optimal formasını bərpa edəcək və bir daha müdafiəçilər üçün əsl kabusa çevriləcək.”
Qeyd edək ki, Usman Dembele bu mövsüm PSJ-nin heyətində qeyri-sabit çıxışı ilə tənqid olunsa da, son oyunlardakı performansı ümidləri artırıb.
