Rəsmi: Frenki de Yonq “Barselona” ilə yeni müqavilə imzaladı.

90plus.az xəbər verir ki, “Barselona” yarımmüdafiəçisi Frenki de Yonqla yeni uzunmüddətli müqavilə bağlayıb. Klubun mətbuat xidmətinin məlumatına görə, niderlandlı futbolçu ilə anlaşma 2029-cu ilin iyununa qədər uzadılıb.

Müqavilənin şərtlərinə əsasən, 27 yaşlı yarımmüdafiəçinin illik maaşı 9–10 milyon avro olacaq, sərbəstqalma məbləği isə 400 milyon avrodan 500 milyon avroya qaldırılıb.

Xatırlatma: de Yonq bu mövsüm Flikin rəhbərliyi altında komandanın aparıcı oyunçularından birinə çevrilib. O, La Liqada 6, Çempionlar Liqasında isə 2 matçda meydana çıxıb.

Klubun rəsmi açıqlamasında bildirilir:

““Barselona” niderlandlı yarımmüdafiəçi Frenki de Yonqun müqaviləsinin 2029-cu ilə qədər uzadıldığını məmnuniyyətlə elan edir.”

Futbolçu özü isə yayılan xəbərlərlə bağlı bunları deyib:

“Maaşımla bağlı şərh verməyəcəyəm. Son illərdə çoxlu saxta məlumatlar yayıldı. Mənim maaşım barədə deyilənlər həddindən artıq şişirdilmişdi və yayılan rəqəmlər heç vaxt doğru olmayıb.”