Erlinq Haaland Premyer Liqa tarixində yeni rekorda imza atdı.
90plus.az xəbər verir ki, “Brentford”a qarşı vurduğu qolla Erlinq Haaland Premyer Liqa tarixində unikal göstəriciyə nail olub.
Norveçli hücumçu “Mançester Siti”nin 1:0 hesablı qələbəsində yeganə qolun müəllifi olmaqla, Premyer Liqada çıxış etdiyi 23 stadiondan 22-də qol vurmağı bacarıb. Bu göstərici liqa tarixində ən yüksək faizlə — %96 ilə qeydə alınıb.
Haaland yalnız bir arenada — “Liverpul”un “Enfild” stadionunda qol vura bilməyib.
Məlumatı statistik platforma OptaJoe paylaşıb.
