2025-ci ilin yanvarında Erlinq Haland hamını təəccübləndirərək “Mançester Siti” ilə 9,5 illik müqavilə imzaladı. Norveçli hücumçunun agenti Rafaela Pimenta bu razılaşmanın əhəmiyyətini TNT Sports-a açıqlayıb.
90plus.az xəbər verir ki, agent həmin müqavilənin mahiyyətini belə izah edib:
“O anda — və indi də hər şey eynidir, heç nə dəyişməyib — məqsəd hamıya göstərmək idi ki, Halandın bir layihəsi var, ‘Mançester Siti’nin də bir layihəsi var.”
“Bizim layihəmiz ortaqdır və birlikdə indiyə qədər ayaq basılmamış yerlərə, üzülməmiş dənizlərə doğru gedəcəyik. Ambisiyamız məhz budur.”
ℹ️ Əgər Haland müqaviləsinin müddəti bitənə qədər — 2034-cü ilin yayına qədər — “Mançester Siti”də qalsa, klubdan 33 yaşında ayrılacaq. Bu isə onun karyerasının ən məhsuldar illərinin tamamını “Etihad” stadionunda keçirməsi deməkdir.
