“Bayern Münhen”in hücumçusu Harri Keyn Bundesliqanın 22-ci turunda səfərdə “Verder Bremen” üzərində qazanılan 3:0 hesablı qələbədə dubla imza atıb.

90plus.az xəbər verir ki, İngiltərə millisinin üzvü bu görüşdə vurduğu ikinci qolla karyerasında əlamətdar göstəriciyə çatıb. Belə ki, həmin top onun peşəkar karyerasındakı 500-cü qolu olub. Bu qollardan 100-ü penalti zərbəsindən vurulub ki, bu da Keynin illərdir sabit qolçuluq keyfiyyətini nümayiş etdirir.

32 yaşlı forvard karyerası ərzində “Leyton Orient”, “Milluoll”, “Norviç Siti”, “Lester Siti”, “Tottenhem” və hazırda çıxış etdiyi “Bayern Münhen” klublarının formasını geyinib və hər komandada iz qoymağı bacarıb.

Harri Keynin möhtəşəm qol statistikası onu öz nəslinin ən elit hücumçularından biri kimi ön plana çıxarır. Onun tam karyera statistikası ilə bağlı məlumatlar təqdim olunub.