“Çelsi” Jorrel Hato üçün hərəkətə keçir – futbolçu qərarını verib.

90plus.az xəbər verir ki, yay transfer dönəmində müdafiə xəttini gücləndirməyə çalışan “Çelsi” gənc ulduz Jorrel Hato üçün “Ayaks”la danışıqlara yenidən start verir. Məşhur insayder Fabrizio Romanonun məlumatına görə, tərəflər yeni həftənin əvvəlindən etibarən birbaşa təmaslara başlayacaq.

18 yaşlı müdafiəçi artıq qərarını verib. Hato “Ayaks” rəhbərliyinə açıq şəkildə bildirib ki, yalnız “Çelsi”yə keçmək istəyir. Hətta şəxsi şərtlərlə bağlı müqavilə də hazırdır. İndi isə əsas məsələ iki klub arasında razılaşmanın əldə olunmasıdır.

Danışıqların artıq irəlilədiyi bildirilir və bu transfer yaxın günlərdə reallaşa bilər. “Çelsi” rəhbərliyi Hatonu uzunmüddətli layihənin əsas parçası kimi görür və onun London klubunun gələcəyi üçün mühüm oyunçu olacağına inanır.

Transfer rəsmiləşərsə, Hato “Çelsi”nin bu yaykı ən gənc və perspektivli transferlərindən biri olacaq.