Yorrell Hato rəsmi olaraq “Çelsi”nin heyətinə qoşulub.

90plus.az xəbər verir ki, London klubu 19 yaşlı müdafiəçini “Ayaks”dan transfer etdiyini açıqlayıb. Gənc futbolçu ilə 2032-ci ilə qədər uzunmüddətli müqavilə imzalanıb.

KİV-in yaydığı məlumata əsasən, bu transfer “Çelsi”yə bonuslar nəzərə alınmadan 43,5 milyon avroya başa gəlib.

Xatırlatma: Hato ötən mövsüm Hollandiya çempionatında (“Erediviziya”) 31 oyuna çıxıb, 2 dəfə rəqib qapılarına yol tapıb və 6 məhsuldar ötürmə verib.