“Aston Villa” klubu heyətini yeni futbolçu ilə gücləndirmək istəyir. 90plus.az “Fanatik” qəzetinə istinadən xəbər verir ki, İngiltərə təmsilçisi “Fənərbağça” klubunun oyunçusu Enner Valensiya üçün hərəkətə keçib. Ada komandası Türkiyədə qalmaq istəyən və klubda xoşbəxt olduğunu söyləyən 33 yaşlı oyunçunun fikrini dəyişmək üçün böyük səy göstərir. Qeyd edək ki, ekvadorlu futbolçu bu mövsüm “Fənərbağça”nın heyətində 30 matçda 23 qol və 4 asistlə yadda qalıb.