Keçmiş İngiltərə millisinin futbolçusu Endi Kerroll barəsində verilmiş uzaqlaşdırma (non-molestation) qərarını pozmaqda ittiham olunur.
90plus.az xəbər verir ki, məşhur futbolçu bu səbəbdən çərşənbə axşamı məhkəmə qarşısına çıxacaq və onu 5 ilə qədər həbs cəzası gözləyə bilər.
Vaxtilə “Nyukasl Yunayted” və “Liverpul” klublarının formasını geyinmiş 36 yaşlı hücumçuya qarşı “təqib və pis rəftarın qarşısının alınması” ilə bağlı məhkəmə qərarının pozulması iddiası irəli sürülüb.
Məlumata görə, Kerroll ötən ilin aprel ayında İngiltərəyə giriş zamanı pasport nəzarətində polis tərəfindən saxlanılaraq qısa müddətlik nəzarətə alınıb. Mart ayında baş verdiyi bildirilən uzaqlaşdırma qərarının pozulması faktı əsasında ona qarşı rəsmi ittiham irəli sürülüb. Hüquqi məhdudiyyətlər səbəbindən hadisənin detalları açıqlanmır.
İngiltərə qanunvericiliyinə əsasən, bu tip məhkəmə qərarlarının pozulması cinayət hesab olunur. Endi Kerroll günahkar bilinərsə, onu 5 ilə qədər həbs cəzası gözləyir.
Futbolçunun işi üzrə məhkəmə prosesi 30 dekabr, çərşənbə axşamı günü Chelmsford Masterlər Məhkəməsində keçiriləcək.
Hazırda İngiltərənin aşağı liqa təmsilçilərindən olan “Dagenhem və Redbric” klubunda karyerasını davam etdirən Kerroll ötən ay avtomobil idarə edərkən video çəkdiyi üçün də cərimələnmişdi.
