“Kristal Pelas”da Oliver Qlaznerlə bağlı qeyri-müəyyənlik artır.
90plus.az xəbər verir ki, Qlazner hələ yanvar ayında mövsümün sonunda klubdan ayrılacağını açıqlamışdı. Həmin dövrdə komandanın aparıcı futbolçularından Mark Guehinin gedişi demək olar ki, dəqiqləşmişdi və bu amilin mütəxəssisin qərarına ciddi təsir göstərdiyi bildirilirdi.
Fabrizio Romano isə son paylaşımında tərəflər arasında yeni müzakirələrin aparıldığını vurğulayıb:
“Oliver Qlazner və ‘Kristal Pelas’ın rəhbərliyi bu gün baş məşqçinin yaxın gələcəyi ilə bağlı birbaşa danışıqlar aparır. Qlazner iyunda ayrılacaq, lakin klub razılıq verərsə, gediş prosesi daha tez də baş tuta bilər.”
Beləliklə, “Kristal Pelas”da baş məşqçi dəyişikliyinin yay aylarını gözləmədən reallaşması ehtimalı gündəmə gəlib. Klub rəhbərliyinin yekun qərarı yaxın günlərdə bəlli ola bilər.
