Vitor Pereyranın çalışdırdığı İngiltərə Premyer Liqası klubu "Vulverhempton"da mövsümün ilk rəsmi ayrılığı baş verib.
90plus.az xəbər verir ki, klubun 33 yaşlı ispaniyalı futbolçusu Pablo Sarabiya ilə yollarını ayıracağı təsdiqlənib.
"Vulverhempton" klubunun rəsmi açıqlamasında Sarabiyanın müqaviləsinin 30 iyun 2025-ci ildə başa çatacağı və tərəflərin yeni anlaşma imzalamayacağı bildirilib. Açıqlamada futbolçuya təşəkkür də ifadə olunub:
“Səylərin və verdiyin töhfələr üçün təşəkkür edirik. Sənə və ailənə gələcəkdə uğurlar arzulayırıq.”
Cinah hücumçusu Pablo Sarabiya bu mövsüm "Vulverhempton"un heyətində 28 oyuna çıxıb, 3 qol və 2 assistlə komandasına töhfə verib.
